MUNURIN Á FORELSKILSI OG KÆRLEIKA


Kærleiki og forelskilsi kunnu ikki skiljast sundur sum tveir ymiskir lutir í lívinum, men kortini er munur á teimum. Forelskilsið sær bara tað positiva. Kærleikin tolir at síggja veikleikar. Forelskilsið hevur órealistiskar væntanir. Kærleikin góðtekur veruleikan. Forelskilsið hevur stórar dreymar. Kærleikin ger dreymar til veruleika. Forelskilsið letur kenslurnar stýra viljanum. Kærleikin letur kenslurnar og viljan ganga hond í hond.

Fólk kunnu siga, at tá ið forelskilsið hvørvur, verður alt keðiligt. Men tað verður bara keðiligt, um kærleikin hvørvur saman við forelskilsinum. Lokaldoyvandi forelskilsiskenslan fer við tíðini, men um kærleikin samtíðis veksur, so verður parlagið sterkari, og forelskilsið verður eisini verandi – bert ikki doyvandi longur.

Eitt mynstur, sum kann byrja í forelskilsinum og halda á í kærleikanum:

At brúka TÍÐ > LEIÐIR TIL ÁHUGA

At nýta ORÐ > LEIÐA TIL OPINLEIKA

At vísa VIRÐING > LEIÐIR TIL ÁLIT

Eitt parlag, sum frá byrjan uppbyggir hetta, hevur eina bjarta framtíð.

Brot úr bókini "At elska og liva" - s. 33-34


Recent Posts
Follow
  • Facebook - Grey Circle
  • Twitter - Grey Circle
  • Google+ - Grey Circle
  • YouTube - Grey Circle
  • Pinterest - Grey Circle
  • Instagram - Grey Circle